समाचार

    गर्मी बढेसंगै राप्ती आँखा अस्पतालमा आँखाका विरामी बढ्दै

    राप्ती आँखा अस्पताल रक्षचौरमा गर्मी मौसम लागेसंगै विरामीको संख्या बढिरहेको  छ । मौसम परिवर्तन संगै विरामीको संख्या बढिरहेको राप्ती आँखा  अस्पतालका  शालिक राम गौतमले  बताए  । अघिको तुलनामा आजभोली विरामीको संख्या ह्वात्तै बढेको  गौतमले जानकारी दिएका छन् । आजभोली बढी मात्रामा आँखा चिलाउने, आँखा बिझाउने, घाममा हेर्न गाहा्रे हुने, आँखा पाक्ने रोगका विरामीहरु आउने गरेको बताए । गत महिनासम्म एक दिनमा २ सयदेखि २ सय ५० जना विरामीहरु आउने गरेकोमा मौसम परिवर्तनसंगै आजभोली एक दिनमा ३ सय ५० देखि ४ सय ५० जनासम्म बिरामीहरु अस्पतालमा आउने गरेको उनले जानकारी दिए । जाडो समय मंसिर, पौष महिनाको तुलनामा हेर्दा आजभोली गर्मी बढेसंगै विरामीहरुको लक्षण देखेर विराबमीको संख्या अझै   बढ्न सकिने बताए । गत महिनामा ६ हजार विरामी आएकोमा समय परिवर्तन भएसंगै चैत्र महिनामा ८ हजार विरामी आउने अनुमान गर्न सकिन्छ, उनले भने ।  मौसम परिवतैन संगै धुँवा धूलो उड्ने , हावा चल्ने, मौसम प्रतिकूलका कारण विरामीहरुको संख्यामा बृद्धि भएको जानकारी दिए ।गत बर्ष राप्ती आँखा अस्पतालमा ७६ हजार ९ सय २९ जनाको उपचार गरेको जानकारी दिए ।  घोराही आँखा  अस्पताल केन्द्र, लमही आँखा अस्पताल केन्द्र, सल्यान, रुकुम, रोल्पा, कोइलाबास , कृष्णनगर आँखा उपचार केन्द्र, निशुल्क आँखा रिविर, विद्यालय आँखा जाच कार्यक्रम बाट २ लाख ५३ हजार ४ सय ३७ जनाको आँखा चेकजाँच  गौतमले  बताए  । अस्पतालले १ हजार ९ सय ८७ जना , लमही १ हजार २ सय ९३ जना, बहादुर गञ्ज आँखा अस्पतालबाट ९ हजार ८ सय ३६ निशुल्क आँखा शिविरबाट ६ सय ५८ गरी  सन् २०१७ मा जम्मा १३ हजार ७ सय ७२ जनाको मोती विन्दुको सल्यक्रिया गरिएको  जानकारी दिएका छन् ।

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal