समाचार

    ३ लाख ३८ हजार ९ सय १४ जना दाङमा मतदाता

    दाङ,२० मंसीर
     
    दाङमा बिहीबार हुदै गरेको प्रदेश सभा र प्रतिनिधि सभा निर्वाचनमा ३ लाख ३८ हजार ९ सय १४ जनाले मतदान गर्ने छन् ।स्थानीय निर्वाचनको भन्दा यसपाली ४७ हजार ७ सय ३९ मतदाता बढी थपिएका जिल्ला निर्वाचन कार्यालय दाङले जनाएको छ ।निर्वांचन क्षेत्र नम्बर १ मा ५० मतदान स्थलमा १ सय २९ मतदान केन्द्र तोकिएको छ । जसमा १ लाख ११ हजार ९६ जना मतदाता छन् । निर्वांचन क्षेत्र नम्बर २ मा ४८ मतदान स्थल र १ सय २८ मतदान केन्द्र र १ लाख १८ हजार ९ सय ८७ मतदाता छन् । निर्वाचन क्षेत्र नम्वर ३ मा ५३ मतदान स्थल भित्र १ सय ३७ मतदान केन्द्र छन् । क्षेत्र नम्वर ३ मा १ लाख ८ हजार ८ सय ७० जना मतदाता रहेका मूख्य निर्वाचन अधिकृत हेमन्त रावलले जानकारी दिनुभयो । निर्वाचन क्षेत्र ३ वटामा प्रतिनिधि सभा र ६ प्रदेश सभाका लागि जिल्लामा ९ जनामा ७९ जनाको बीचमा प्रतिपर्धा हुँदैछ । 
    दाङका १ सय ५१ मतदान स्थलका ३ सय ९४ मतदान केन्द्रका लागि ३ हजार भन्दा बढी कर्मचारी र ४ हजार १ सय सुरक्षाकर्मी खटाइएको मुख्य निर्वाचन अधिकृत रावलले जानकारी दिनुभयो । मतदान हुने ४५ जिल्लामा भोली बिहीबार सार्वजनीक बिदा सरकारले दिएको छ । मतदानका दिन अनुमति बिना कसैलेपनि सवारीका साधन सञ्चालन गर्न नपाउने स्थानिय प्रशासनले जनाएको छ ।निर्वाचनको तयारी र मतदानका लागि एक दिन भोली बिहीबार सार्बजनीक बिदा दिएको हो ।अधिकास बिद्यालयमा मतदान केन्द्र तोकिएकाले पनि शिक्षण संस्थाहरु ४ दिन अघिदेखि नै बन्द भइसकेका छन् ।चुनावको सबै तयारी दाङ जिल्लामा पूरा भएको छ । भोली बिहीबार चुनाव हुने ४५ जिल्लामा पास लिएका गाडी र अत्यावश्यक गाडी मात्र चल्न पाउनेछन् । अरु गाडी भने आज बुधबार मध्यराति १२ बजेदेखि भोलि बिहीबार बेलुकी ७ बजेसम्म चलाउन नपाइने गृह मन्त्रालयले जनाएको छ । मन्त्रालयले सार्वजनिक सूचना निकालेर नै आज बिहीबार गाडी नचल्ने हुँदा बुधबार राति १२ बजे अगावै गन्तव्यमा पुग्ने गरी यात्रा थाल्न आग्रह पनि गरेको छ । 

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal