समाचार

    रेडियो नेपालको प्रदेश स्तरीय कार्यालय स्थापनाका लागि मन्त्रीद्धारा निरिक्षण

    दाङ,१६ मंसीर
     
    सूचना तथा संचार मन्त्री मोहन वहादुर वस्नेतले रेडियो नेपालको प्रदेश स्तरीय कार्यालय दाङको हेमान्तपुरमा स्थापना हुने बताउनुभएको छ ।
    आज शनिबार तुलसीपुर उपमहानगरपालिका हेमान्तपुर स्थीत रेडियो नेपालको रिले प्रशारण केन्द्रको निरक्षण गर्नुुहुदै आगामी चैत महिना भित्र प्रदेश नम्वर ५ को प्रदेश स्तरीय रेडियो नेपालको कार्यालय सञ्चालन हुने बताउनुभयो । उहाले प्रदेश नम्वर ५ को राजधानी दाङ हुने करिव करिव पक्का भएकाले आबश्यक पूर्बाधारको तयारी भई रहेको बताउनुभयो । उहाले झण्डै १ बिगाह क्षेत्रफलमा सञ्चालनमा रहेको रेडियो नेपालको रिले स्टेशनमा प्रशारणका लागि कार्यालय,कार्यालय,क्वाटर जस्ता पूर्बाधार निर्माण गर्न मातहतका कर्मचारीहरुलाई निर्देशन समेत दिनुभयो । चैत भित्रमा निर्माण कार्य शुरु हुने उहाले बताउनुभयो ।यसैबिच नेपाल प्रेस युनियन दाङले आज शनिवार घोराहीमा आयोजना गरेको पत्रकार सम्मेलनमा वोल्दै मन्त्री बस्नेतले ५ नम्वर प्रदेशको भौगोलिक अवस्था र दाङ उपत्यकाको प्रशस्त संभावना रहेका कारण न्यायिक हिसावले पनि दाङ प्रादेशिक राजधानीका रुपमा उपयुक्त भएको वताउनुभएको छ । दाङ राजधानी बन्ने भएका कारण आफु रेडियो नेपालको प्रादेशिक कार्यालयको विस्तारका लागि निरिक्षणमा आएको बताएका मन्त्रीले निर्वाचन लगतै दाङ प्रादेशिक राजधानीको केन्द्र तोकिने समेत वताउनुभयो ।दाङ धेरै सम्भावना बोकेका क्षेत्र भएकाले यस जिल्लाले धेरै सम्भावना बोकेको वताउदै यस क्षेत्रको विकास लागि तुलसीपुरमा रहेको एयरपोर्टको स्तर उन्नतिसँगै नयाँ अन्तराष्ट्रिय बिमानस्थल निर्माण गर्नुपर्ने, दाङ उपत्यकालाई पर्यटकिय केन्द्रका रुपमा विकास गर्न भ्यू टावर, प्रादेशिक स्तरको अस्पतालको निर्माणसँगै कृषिको विकासका माध्यमवाट आर्थिक आम्दानीलाई वृद्धिसँगै सिचाईको व्यवस्था गर्न सकिने मन्त्री बस्नेतको धारणा थियो । यसैबिच आज शनिबार रिपोर्टस क्लबले तुलसीपुरमा आयोजना गरेको साक्षात्कार कार्याक्रममा बोल्नु हुदै मन्त्री बस्नेतले कम्युनिष्ट गठवन्धनले मुलुकमा अधिनायकवाद ल्याउन खोजेको बताउनु भएको छ । उहाले भन्नुभयो,अव लोकतन्त्रको संस्थतागत विकास र संरक्षणका लागि नेपाली काग्रेसले बहुमत ल्याउनै पर्ने बताउनुभयो ।कार्यक्रममा निर्वाचन क्षेत्र नंवर ३ का उम्मेदवार तथा पुर्व सिंचाइ मन्त्री दिपक गिरीले नेपाली कांग्रेस अव ग्रेट भिजनमा गैसकेकाले लोकतान्त्रिक आन्दोलनलाइ अव सहज निर्वाचनबाट निकाशा दिनुपर्ने बताउनुभयो । साक्षात्कार क्लबका अध्यक्ष शरद रेग्मीको अध्यक्षतामा भएको कार्यक्रमको सहजीकरण क्लवका सचिव विमल गौतमले गर्नुभएको थियो ।
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal