समाचार

    दाङमा ३५ डिग्री,जनकपुरमा ४०.४ डिग्री तापक्रम

    दाङ,२८ जेठ
    मनसुन भित्रिएपनि राम्रोसँग पानी नपरेका कारण देशभर गर्मी बढेको छ । शनिबारदेखि नै गर्मी ह्वात्तै बढेको हो । शनिबारको तुलनामा आइतबार झनै गर्मी थियो ।आज सोमबार पनि बिहानैदेखि घाम चर्किएको छ । आइतबार जत्तिकै गर्मी हुने जल तथा मौसम पूर्वानुमान महाशाखाले जनाएको छ । सोमबार बेलुकी पानी पर्ने भएकाले मंगलबारदेखि गर्मी केही कम हुने मौसमविद वरुण पौडेलले जानकारी दिनुभयो ।पहाड र उपत्यकाको तुलनामा तराईमा गर्मी धेरै हुन्छ । दाङमा ३५ दशमलव ६ डिगं्री सेल्सीयस तापक्रम छ । पुर्बी नेपालको जनकपुर र छिमेकी जिल्ला नेपालगंजमा सबैभन्दा धेरै गर्मी छ । जनकपुरमा आइतबार तापक्रम ४० दशलव ४ डिग्री सेल्सियस थियो । नेपालगंजको तापक्रम चाहिँ ३९ डिग्री सेल्सियससम्म पुगेको छ । यस्तै धनकुटामा ३८.८, सिमरामा ३८.५, भैरहवामा ३८.२, , धरानमा ३७.९, विराटनगरमा ३७.८, दिपालयमा ३७, धनगढीमा ३५ र वीरेन्द्रनगरमा ३२ डिग्री सेल्सियससम्म तापक्रम पुगेको छ ।काठमाडौंमा पनि गर्मी ह्वात्तै बढेको छ । आइतबार काठमाडौंको तापक्रम ३१.५ डिग्री सेल्सियस थियो । शनिबारको तुलनामा आइतबार शून्य दशमलव ५ डिग्रीले तापक्रम बढेको हो । पोखराको तापक्रम ३२ दशवलव ८ डिग्री सेल्सियस छ ।
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal