समाचार

    निर्वाचनमा महिला सहभागीताको विषयमा छलफल

    तुलसीपुर १३ बैशाख/
    स्थानीय तहको निर्वाचनमा महिला सहभागीताको विषयमा छलफल सुरु भएको छ । महिलाहरुको विचमा यस्तो खालको छलफल सुरु हुन थालेको हो । सोमवार लमहीमा स्थानीय तह निर्वाचन २०७४ को महत्व तथा महिला सहभागीता विषयक अन्र्त्क्रिया कार्यक्रम भएको छ ।
    कार्यक्रममा सहभागीहरुले निर्वाचनमा उम्मेदवार वन्न महिलाहरु सक्षम भएपनि राजनैतिक दलको तर्फवाट अवसर प्रदान नभएको गुनासो पोखेका छन् । नेतृत्व तह मेयर तथा गाउँपालीका प्रमुख भएर कार्यसम्पादन गर्न महिलाहरु सक्षम भएपनि उम्मेदवार वनाउन दलको तर्फवाट महिलाहरुको नाम उपप्रमुख र सदस्यहरुमा मात्रै नाम सिफारिस गरिएको जिकिर गरिएको छ । संविधानले स्थानिय तहमा सुनिश्चीत गरेको कोटामा समेतम मिहलाहरुलाई उम्मेदवार वनाउन दलहरुलाई सकस परेको वक्ताहरुको जोड छ ।
    नेताहरुको चाकडी, पहुच र पैसाको वलममा उम्मेदवारको टिकट लिनेहरुको होड वाजी चलेको र त्यो चलखेलवाट महिला उम्मेदवारहरु पछी परेको तर्क अगुवा महिलारुको छ । नेपाल महिला सामुदायीक सेवा केन्द्र दाङले लमहीमा स्थानीय तह निर्वाचनमा महिला सहभागीताको विषयमा अन्र्त्क्रिया कार्यक्रमको आयोजना गरेको हो । संस्थाका अध्यक्ष विमला योगीको अध्यक्षता तथा नेपाल पत्रकार महासंघ दाङका उपाधयक्ष लिला शाहको प्रमुख आतिथ्यमा सम्पन्न कार्यक्रममा प्रमुख अतिथी शाहले स्थानिय तहको निर्वाचनमा महिला सहभागिता र चुनौति विषयक कार्यपत्र प्रस्तुत गरेका थिए  ।
    संस्थाका निर्देशक सारदा शर्माको स्वागत मन्तव्यवाट सुरु भएको कार्यक्रममा नेकपा एमालेकी नेतृ सरस्वती गौतम, नेकपा माओवादी केन्द्रका लमही नगरपालिकाका मेयर पदका उम्मेदावर द्रौपती पौडेल, नेपाली काग्रेका जिल्ला सदस्य गिरीजा न्यौपाने, लमही नगरपालिकाका उपमेयरका दावेदार गिता चौधरी अधिकारी, गढवा गाँउपालिकाका उपमेयर पदका दावेदार सर्मिला डिसी, गढवा गाँउपालिका वडा नं।
    ६ अध्यक्षका दावेदार ओभा पाठक, महिला नेतृ शुसिला शर्मा, नेकपा माओवादी केन्द्र क्षेत्र नम्वर १ का इञ्चार्ज अमर गिरी, हेफरका जगत चौधरी, पत्रकारहरु चुमा आचार्य, लमही नगरपालीका वडा नं। ६ वडा सदस्यका उम्मेदवारहरु दिपा खत्री, नुमा पौडेल लगायतले मन्तब्य ब्यक्त गर्नु भएको थियो । कार्यक्रमको सहजिकरण महेश आचार्यलेगरेका थिए ।

     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal