समाचार

    अन्तर कलेज भलिवल प्रतियोगिता हुने

    तुलसीपुर २८ फागुन/
    नेपाली काँग्रेसको भातृ संगठन नेपाल विद्यार्थी संघ राप्ती बबई क्याम्पस ईकाइ समितिले राप्ती बबई क्याम्पसमा अन्तर कलेज भलिवल प्रतियोगिताको आयोजना गर्ने भएको छ ।
    प्लस टु स्तरीय भलिवल प्रतियोगिता चैत १ गते देखि ३ गते सम्म क्याम्पस प्राङ्गणमा आयोजना गर्न लागिएको नेविसंघका ईकाइ सभापति जितेन्द्र प्रकास वलीले जानकारी दिनुभयको छ । 
    हालसम्म दुई दर्जन जति टिमले खेलका लागि निवेदन दर्ता गराएको नेविसंघ राप्ती बबई क्याम्पसले जनाएको छ । टिम दर्ता गर्ने अन्तिम समय सीमा भने फागुन २९ गते आइतवार दिउँसो दुई बजेसम्मका लागि मात्रै निर्धारण गरिएको छ ।
    खेलमा सहभागि हुनका लागि प्रत्येक टिमका लागि दुई हजार पाँच सय प्रवेश शुल्क निर्धारण गरिएको छ । नक आउट सिस्टममा खेलाइने उक्त भलिवल प्रतियोगिताको प्रथम हुने टिमलाई २५ हजार नगद, दृतिय हुने टिमलाई १५ हजार नगद र ततृति स्थानमा आउने टिमलाई १० हजार नगद पुस्कार प्रदान गरिने बबई क्याम्पसका नेविसंघ ईकाइ सभापति जितेन्द्र प्रकास वलीले जानकारी दिनुभयको छ ।
    अध्यक्ष वलीले विद्यार्थीका बीचमा आपसी सम्वन्ध मजवुत बनाउन र खेलको स्पिरिट जोगाएर राख्न भलिवल प्रतियोगिता आयोजना गरिएको बताए । उनले प्रतिपर्धाका कारण कतिपय निजी क्याम्पसका साथिहरुका बीचमा मनमुटाव रहेकोले त्यो खेलको माध्यमवाट राप्ती बबई क्यामपसले मेटाउन चाहेको बताउनु भयो ।
    तुलसीपुर क्षेत्रको एक मात्रै अग्रज र सामुदायिक क्याम्पस राप्ती बबई क्याम्पसको नेतृत्व सबैले स्वीकार गर्ने भएकोले क्याम्पस क्याम्पस र विद्यार्थीको बीचमा रहेको तिक्तता मेटाउन नेविसंघले भूमिका खेल्न चाहेको अध्यक्ष वलीको दाबी छ ।

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal