समाचार

    जिल्ला अस्पताल सल्यानमा खानेपानीको अभाव

    तुलसीपुर १ फागुन /
    सल्यानको जिल्ला अस्पतालमा खानेपानीको अभाव भएको छ । चौबिसै घन्टा पानीको आवश्यक हुने अस्पतालमा पानीको अभाव भएपछि सरसफाइमा समेत समस्या देखिएको छ । दिनहुँजसो हुने शल्यक्रिया तथा अन्य सरसफाइका लागि पानीको अभाव भएपछि अस्पतालमा रहेको शौचालय समेत दुर्ग्न्धित भएको अस्पतालले जनाएको छ । हप्तामा एक २ पटक दुई घन्टा मात्र आपूर्ति हुने खानेपानीले अस्पतालको मागको १० प्रतिशतसम्म पनि धान्न नसक्ने जिल्ला स्वास्थ्य प्रमुख डा मनिषा रावलले जानकारी दिनुभयो । अस्पताल जस्तो अति संवेदनशिल संस्थामा पानी आपूर्ति सहज नहुँदा समस्या भइरहेको डा रावलले वताउनुभयो । शौचालय अति फोहोर हुनुमा आफूले मात्र चासो दिएर नभएको डा रावलले जिकिर गर्नुभयो । अस्पतालमा बिरामीले प्रयोग गर्ने शौचालय हामीले चासो नदिएर मात्र फोहोर हुँदैन, बिरामीको लापर्बाहीले पनि भएको छ । बिरामीले शौचालयमा प्याड समेत फाल्ने गरेकाले फोहोर देखिएको डा रावलले बताउनु भयोे । अस्पतालको शौचालयको दुर्गन्ध बाहिरसम्म फैलिएको बताउदै उहाले अस्पतालमा पानीको आपूर्ति सहज भएमा फोहोर व्यवस्थापन गर्न समस्या नहुने बताउनु भयो ।
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal