समाचार

    बिहीबार हुने निर्वाचानको तयारी पुरा

    दाङ,२० मंसीर
     
    दाङ लगायत ४५ जिल्लामा सबै निर्वाचन केन्द्रमा मतदानका लागि आबश्यक तयारी भई रहेको छ ।निर्वाचन केन्द्रमा पुगेका कर्मचारीहरुले निर्वाचन स्थलमा तयारी गरिरहेका छन् । बुधबार बेलुका ५ बजेसम्म सबै मतदान केन्द्र बनाइसक्ने मूख्य निर्वाचनको कार्यालय दाङले जनाएको छ । भोली बिहीबार बिहान ७ बजेदेखि बेलुका ५ बजेसम्म मतदान गर्न सकिने छ । अरिनको मैदान तुलसीपुर मतदान केन्द्रमा आफ्नो परिचय पत्र लिन आउनु भएका तुलसीपुरका चक्र बहादुर डाँगीले मतदान गर्न उत्साहित भएको बताउनुभयो । आंतकीत गराउने गरि छिटपुट घटना भएपनि राज्यले सुरक्षाको अनुभुति गराए मतदाताहरुले उत्साह पूर्बक मतदान गर्ने बताउनुभयो ।तर तुलसीपुरमा केही दिन अगाडि भएको बमको घटनाले त्रसित भएको भन्दै सुरक्षा ब्यवस्था राम्रा हुनु पर्ने सुझाब उहाको छ ।सेन्टरमाबि तुलसीपुरमा मतदान केन्द्र भएकी तर परिचय पत्र लिन आएकी दिलिप कार्की र निकोला भण्डारीले पनि ढुक संग मत हाल्न पाए हुन्थ्यो भन्नेमा हुनहुन्छ । सुरक्षाको भरपर्दो ब्यबस्था मिलाएको र मतदान केन्द्रको सुरक्षा ब्यबस्था,स्थानीय तहको समन्वय, राजनीतिक दल लगायतको सहयोगमा मतदानको लागि तयारी पुरा गरिएको तुलसीपुर उपमहानगरपालीका खर्चवा केन्दका मतदान अधिकृत शोमाराम बस्नेतले बताउनुभयो ।मंगलबारदेखि आज बुधबार सम्म मतदान केन्द्रबाटै परिचयपत्र बितरण गरिएको र परिचय पत्र लिन आउनेहरुलाई पनि ब्यबस्थीत रुपमा बितरण गरिएको अरनीको मैदानको मतदान केन्द्रका अधिकृत रामधन श्रेष्ठले जानकारी दिनुभयो ।उहाले बिहीबार बिहान ७ बजेदेखि बेलुकी ५ बजेसम्म मतदान गर्ने गरि सम्पूर्ण तयारी गरिएको बताउनुभयो ।जिल्लामा ३.१० प्रतिसत मत स्थानीय तहमा बदर हुदा आलोचित भएको अबस्थामा यसपालीको निर्वाचनमा त्यसलाई घटाउने तयारी गरेको जिल्ला निर्वाचन कार्यालयले बताउदै आएको छ । प्रभाबकारी रुपमा मतदाता शिक्षामा खटिएकाहरुबाट मतदाता शिक्षा दिन नसकेको गुनासो बढेका बेला मतदान केन्द्रवाट नै मतदाता शिक्षा दिदै गरेकी सामाजिक परिचालिका नानिमैया वलीले मतपत्रमा छाप लगाउने तरीका र छाप लगाई सकेपछि बाकसमा राख्नेमा तरीका बारेमा जानकारी गराउनुभएको थियो । केन्द्रमा पुगेका सबै मतदान अधिकृत तथा सहायक मतदान अधिकृत सहितका कर्मचारीले हिजो बुधबार र आज बिहीबार मतदाता परिचय पत्र पनि बितरण गरिरहेका छन् । यसैबिच मतदान गर्ने अधिबारबाट बञ्चित नहुन भनी परिचय खुल्ने सरकारी प्रमाणपत्रहरुबाट पनि मतदान गर्न पाउने निर्वाचन आयोगले ब्यबस्था मिलाएको छ । कुनै कारणवशः मतदाता परिचयपत्र प्राप्त गर्न नसकेमा वा प्राप्त गरेको परिचयपत्र हराएमा नागरिकताको प्रमाणपत्र वा २०७० को मतदाता परिचयपत्रका आधारमा पनि मतदान गर्ने व्यवस्था गराएको हो ।यस्तै राहदानी वा सवारी चालक अनुमतिपत्र, जग्गाधनी प्रमाणपत्र वा सरकारी निकायबाट फोटोसहित जारी भएको अन्य कुनै परिचयपत्रसमेतका आधारमा मतदान गर्न पाउने निर्णय आयोगले गरिसकेको छ ।यसैबिच भोलि बिहीबार हुने चुनावका लागि अपाङगता भएका व्यक्तिहरु र जेष्ठ नागरिकहरुलाई प्राथमिकता दिन आयोगले आग्रह गरेको छ ।कुनै पनि मतदान केन्द्रमा अशक्त भएका व्यक्तिहरु र जेष्ठ नागरिकहरुलाई पहिलो प्राथमिकता दिएर सहज रुपमा मतदान गर्ने व्यवस्था मिलाउन आग्रह गरिएको हो आयोगले जनाएको छ ।

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal