समाचार

    चमलको सेतो टीका निधारमा र बबरीको फूल र मकैको जमरा थारु समुदायको शिरमा

    दाङ,१३ असोज
     
     
    थारु समुदायमा नवमीको दिन बडा दशै धुमधामका साथ मनाईदैछ । चामलको सेतो टीका,बबरीको फूल र मकैको जमरा मान्यजनबाट ग्रहण गर्ने चलन छ । शान्तिको प्रतिकको रुपमा सेतो टीका ग्रहण गर्ने गरेको उनीहरुको बिश्वास छ । आदीबासी जनजातिहरु थारु समुदाय भएकाले उनीहरुले मनाउने परम्रागत धार्मिक कार्यक्रममा उतीबेला रङ उपलब्ध हुन नसक्ने भएकाले पनि सेतो नै रङ प्रयोग भएको हुन सक्ने बिश्वास  छ ।दाङ लगायत बाँके,बर्दिया,सुर्खेत,कैलाली र कञ्चनपुरका थारु समुदायको मतहवा,बडघर र भल्मन्साको घरमा गई नवमीमा दशै मनाएका छन् ।मतहवा, बडघर, भलमन्सा लगायतसग सेता टीका जमरा लगाई आर्शिबाद लिने प्रचलन छ । तर गुरुवाको घरमा गई दशमीको दिन रातो टीका र जमरा लगाउने प्रचलन पनि रहेको थारु समुदायका अगुवाहरुको कथन छ ।नँया लुगा लगाई मिठो मिठो खानेकुरा खाई थारु समूदायमा हर्षउल्लासका साथ मनाई रहेका छन् । केही दिनअघिदेखि थारु बाहुल्यता भएका गाँउमा गुन्जने मादल र सखीया तथा झुमरा नाच गान नवमीको दिन मान्यजनको घरका आगनमा गुन्जेका छन् ।
    हिजो अस्तीका दिनमा खानपनी गरी सकेपछि साँझपख् नाँच्ने सखीया र झुमरा नाच नवमीका दिन भने मतहवा,भलमन्सा र बडघरको घरमा दिउँसो भएका छन् ।थारु गाउँबस्तीमा कृष्णाष्टमी देखि झुमरा तथा सखिया नाचको गीत गाउन शुरु भए पनि त्यसलाई नाचको रुपमा नाच्नेहरुसँगै गाउने काम भने दशैंमा हुने गर्छ । यसैबिच श्रम तथा रोजगार राज्यमन्त्री डिल्लीबहादुर चौधरीका हातबाट टीका ग्रहण गर्ने र आर्शिबाद लिनेहरु थारु समुदायको आज तुलसीपुर स्थीत निवासमा ठुलो भिड लागेको छ । सेता टीका,मकैको जमरा र बबरीको फूल एक आपसमा लगाउने प्रचलन थारु समुदायमा छ । गाँउको मतहवाको घरमा टीका ग्रहणका लागि मादल बजाउदै हातमा घरघरबाट जमरा र सेतो टीका लिएर राज्यमन्त्रिको घरमा थारु समुदायको ठुलो संख्यामा उपस्थीति थियो ।
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal