समाचार

    जिल्ला समन्वय समिति दाङ गठनमा नेकपा एमाले भित्र बिबाद

    दाङ,२३ साउन
     
    जिल्ला समन्वय समिति दाङ गठनमा नेकपा एमाले भित्र बिबाद देखिएको छ । जिल्ला अध्यक्ष टीकाराम खडका पक्षधर र जिल्ला ईन्चार्ज मेटमणी चौधरी पक्षधरले आ आफ्नै ढंगले उमेदवारको नामावली सार्वजनीक गर्नुभएको छ । अध्यक्ष खडका  पक्षधरले नेकपा माओबादीसग तालमेल गर्ने र जिल्ला ईन्चार्ज मेटमणी चौधरी पक्षधरले नेपाली कागे्रस सग जिल्ला समन्वय समितिमा तालमेल गर्नुपर्ने अडान राखेका छन् । सहमतिका लागि भने पार्टी भित्र पहल भई रहेको एमाले श्रोतले जनाएको छ । ९ सदस्यीय जिल्ला समन्वय समितिको गठनका लागि १४ जनाको उमेदवारी दर्ता भएको छ । नेकपा एमाले र माआबोबादी बीच गठबन्धन हुन लागेको समन्वय समितिका लागि संयोजकमा नेकपा एमालेको तर्फबाट जीतेन्द्रमान नेपाली प्रमुखमा र नेकपा माआबोदी केन्द्रबाट उपप्रमुखमा नेकपा माआबोदीका केन्द्रका श्रीधर शर्मा पौड्लले उमेदवारी दिनुभएको छ । नेपाली काग्रेसको तर्फबाट उप्रप्रमुखमा नित्यान्त शर्माले उमेदवारी दर्ता गराउनुभएको छ ।महिला सदस्यमा नेकपा एमालेबाट साबीत्री रिजाल र तिला कुमारी बुढा र खुल्ला सदस्यमा जगतबहादुर बस्नेत,देवीलाल थारु कुमालले उमेदवारी दर्ता गराउनुभएको छ । नेकपा माओबादी केन्द्रबाट महिला सदस्यमा सुभद्रा भण्डारी,दलीत सदस्यमा बसन्त सार्कीले सदस्यमा खीमबहादुर घर्तीले उमेदवारी दिनुभएको छ । नेपाली काग्रेसको तर्फबाट महिला सदस्यमा लोकीकुमारी बिक,ईन्द्रकुमारी अधिकारी र खुल्ला सदस्यमा बिनोद पाण्डेले उमेदवारी दर्ता गराउनुभएको छ । जिल्ला समन्वय समितिको निर्वाचन साउन ३२ गने हुदैछ । निर्वाचनमा १० वटा स्थानिय तहका प्रमुख र उपप्रमुख गरि २० जनाले मतदान गर्नपाउने ब्यबस्था छ ।
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal