समाचार

    आँखा पाक्ने बिरामीको चाप बढदै

    दाङ,१९ साउन
     
    बर्षातको समयमा दाङमा आँखाका बिरामीहरुको संख्यामा बृद्धि भएको छ । राप्ती आँखा अस्पताल रक्षाचौरका अनुसार आँखा पाक्ने रोगका विरामीहरु बढेका हुन् । बर्षायाम संगै आँखामा भाईरल, व्याकटेरीयल संक्रमण बढेको राप्ती आँखा अस्पतालमा नेत्रअधिकृत शालिकराम गौतमले जानकारी दिनुभयो । हाल अस्पतालमा दैनिक ४ सय बढि विरामीहरु आउने गरेको छन् । त्यसमध्ये दुई सय बढी आँखा पाक्ने रोगका विरामीहरु आउने गरेका छन् ।
    आँखा रातो हुने, चिलाउने, विजाउने, घाममा हेर्न नसक्ने लक्षणहरु भएका विरामीहरु अस्पतालमा आउने गरेका छन ।हाल भाइरल, व्याक्टेरीयल संक्रमण भएका दैनिक दुई सय बढी आँखाका विरामीहरु अस्पतालमा आउने गरेको उहाँले वताउनुभयो । भाइरलले गर्दा आँखा रातो हुने चिलाउने विजाउने घाममा आँखा हेर्न नमिल्ने समस्या हुने भन्दै यस बाट बच्न रोगीले प्रयोग गरेको औषधि साधारण ब्यक्तिले प्रयोग गर्न नहुने चिकित्सकहरुले सल्लाह दिएका   छन् । यस्तै रोगीले प्रयोग गरेको रुमाल तथा टवेल प्रयोग नगर्ने, संक्रमण भएको आँखामा औषधि प्रयोग गरीसकेपछि साबुन पानीने हात धुने, आँखा सफा राख्ने र समयमै आँखा अस्पतालमा गई उपचार गराउन अस्पतालले अनुरोध गरेको छ । उक्त भाइरल र व्याक्टेरीया संक्रमण देखिएका बिरामीले समयमै उपचार नगरे आँखाको ज्योति समेत गुम्न सक्ने खतरा रहेको चिकित्सकले बताएका छन् ।
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal