ताजा खबर :

समाचार

    अव ४ ठाँउबाट मात्र यात्रुले सार्वजनीक सवारी साधन प्रयोग गर्ने

    दाङ,१९ साउन
     
    तुलसीपुर क्षेत्रको ट्राफिक ब्यबस्थापनमा बिभिन्न उपायहरु अपनाईदै  छ । स्थानिय तहमा जनप्रतिनिधिहरु आई सकेपछि यस बिषयलाई प्राथमिकतमा पारि बिभिन्न कामहरु भई रहेका छन् । वडा नम्वर ५ ले हर्न निषेध,जेव्रा क्रसीङ लगायतका कामलाई अभियानका रुपमा सञ्चालन गरेको छ । त्यस्तै अबदेखि सार्बजनीक सवारी साधनमा चढ्ने र ओर्लिन पनि निश्चीत स्थान तोकिएको छ । बुधबारदेखि नै लागू हुने गरी तुलसीपुर बजार क्षेत्रमा पूर्वमा घोराही तुलसीपुर सडक खण्डको नेपाल विद्युत प्राधिकरण कार्यालयको अगाडीको भाग,पश्चिममा तुलसीपुर नँया बसपार्क,दक्षिणमा बाहिनी चोक र उत्तरमा तुलसीपुर खानेपानी तथा सरसफाई उपभोक्ता संस्थाको कार्यालय नजिकको भागबाट मात्र यात्रुहरु सार्बजनीक सवारीका साधानमा सवार हुन र ओर्लन पाउने छन् ।सवारी साधानलाई ब्यबस्थीत गर्ने सन्र्दभमा बसपार्कमा काउण्टर नभएका यातायात व्यवसायी समितिलाई काउण्टरको व्यवस्थापन गर्न उपमहानगरपालिकाका ईञ्जिनियर पवनकुमार योगीको संयोजकत्वमा तीन सदस्य कार्यदल समेत गठन गरेको छ । बजारको अव्यवस्थित सवारी पार्किङलाई पनि व्यवस्थापन गरिने उपमहानगरपालिकाले जनाएको छ । 
    पार्किङ स्थल छनोट र निर्णय कार्यान्वयनका लागि वडा नं. ५ का वडा अध्यक्ष विरेन्द्रकुमार शाहको संयोजकत्वमा चार सदस्य अनुगमन समिति गठन समेत गरिएको छ । 

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal