समाचार

    ब्यबसायीक खरायो पालनमा शिक्षक पनि आर्कषीत

    दाङ,३१ बैशाख
     
    निजी बिद्यालय सञ्चालक गरेका तुलसीपुर ८ दुधेनाका गोविन्द बहादुर शाहले ब्यबसायीक रुपमा खरायो पालन गर्नुभएको छ । खरायोलाई घरमा रहर र सौकले पाल्ने चलन भएपनि दाङ जिल्लामा ब्यबसायीक रुपमा खरायो पालन गर्ने ब्यक्ति नै पहिलो हुनुहुन्छ । उहाले साडे २ सय बढी खरायोलाई ब्यबसायीक रुपमा पाल्नुभएको छ ।
    शान्ति दीप बोर्डिङ स्कूल दुधेनाका संस्थापक प्रिन्सिपल शाहले काठमान्डौंबाट १२ वटा खरायो ल्याई डेढ बर्ष अघिदेखि पाल्न शुरु गरेको जानकारी दिनुभयो । शिक्षण पेशामा लामो अनुभव प्राप्त शाहले ब्यबसायीक कुखुरापालन गर्नुभएको छ । खरायोको मासुको स्वाद र अन्य पशुपक्षिको मासुको भन्दा यसको फाईदा वारेमा जानकारी नहुँदा दाङमा खरायोको मासुको माग त्यति धेरै नभएको उहाले बताउनुभयो । तर काठमान्डौंमा यसको अधिक माग रहेको शाहले बताउनुभयो । उहाका अनुसार एक सय वटा खरायो काठमान्डौंबाट माग भए बमोजीम पठाएको र दाङ लगायत आसपासमा पनि माग २ सय वटा माग भएको छ । एक जोडि जीउदो खराईको बिक्रि मूल्य २ हजार र मासु प्रति केजी साढे ७ सयमा बिक्रि हुने गरेको छ । अन्य ब्यवसाय भन्दा खरायो पालन ब्यवसायीमा लागत खर्च निकै कम हुने उहाले अनुभव सुनाउनुभयो । ८० देखि ९० प्रतिसत घाँस खरायोले खाने र सुकेको पराल पनि आहाराका लागि खाने उहाले बताउनुभयो । सुकेको घाँसका अलावा खरायोलाई मकै, व्रान,भटमास जस्ता खानेकुरा दिनु उपयुक्त हुने उहाले जानकारी दिनुभयो । दाना एक पटक र घाँस दैनिक २÷३ पटक दिन सकिने शाहले बताउनुभयो । भान्साको उत्पादन मध्ये मासुबाहेक सबैकुरा खाने भएकोले बचेकुचेका बस्तुहरु खरायोलाई खुवाएर हुर्काउन सकिन्छ ।
    खरायो बाट सत प्रतिसत अग्र्या्निक मासु प्राप्त हुने, रातो मासु नहुने, बोसोको मात्रै कुखुराको भन्दापनि कम हुने हूँदा यो सबै उमेर समुहका मानिसहरुका लागि निकै उपयुक्त मान्न सकिने शाहको दाबी छ । खरायो शान्त स्वभावक पशु र हल्ला खल्ला नगर्ने, अरु पशु पंक्षि पालेको जस्तो कुनै दुर्गन्ध पनि नआउने भएकोले सजिलो व्यवसाय भएको खरायो पालक किसानहरुको भनाई छ । अन्य पशुपछि जस्तो रोग पनि खरायोलाई नलाग्ने हुँदा कुनै खोप समेत लगाउनु नपरेको अनुभव सुनाउनुभयो ।  खरायोले एक पटकमा ६ देखी १२ वटा सम्म बच्चा जन्माउने र बर्षमा ७ पटक सम्म बच्चा जन्माउन सक्ने शाहले जानकारी दिनुभयो ।
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal