क्यान्सरको उपचार गर्दै गर्दा आर्थिक स्थिति नाजुक भएपछि क्यान्सरका विरामी कृष्ण सार्की लाई नेविसंघ राप्ति बबईले आर्थिक सहयोग गरेको छ । ४४औ मेलमिलाप दिवसको अवसर पारेर नेविसंघ राप्ति बबई क्याम्पसले घोराही उप-महानगरपालिका ५ बसन्तपुर चिरनदार टोल निवासी सार्कीकै घरमा पुगेर आर्थिक सहयोग गरेको हो ।

     लामो समय देखि क्यान्सरले पिडित बनेका कृष्ण सार्की लाई नेविसंघ राप्ती बबई क्याम्पसका इकाई सभापति वसन्त बस्नेतको नेतृत्वमा गएको टोलीले रु. दश हजार ५ रुपैया आर्थिक सहयोग गरेको थियो । उक्त सयोगार्थ कार्यक्रमा इकाइ उप-सभापति प्रभास लामीछाने , सह सचीव सन्देश गौतम ,संजय चौधरी ,नवीन चौधरी ,रोहित देवकोटा , नेपाल प्रेस युनियन दाङका साधारण सदस्य नवराज घिमिरे लगायतका व्यक्तिहरुको उपस्थितिमा उक्त सहयोग रकम क्यान्सर पिडित कृष्ण सार्की लाई हस्तान्तरण गरिएको थियो ।

        सहयोगार्थ कार्यक्रममा बोल्दै सह सचीव सन्देश गौतमले शिघ्र स्वास्थ्य लाभको कामना सहित सहयोगि मन तथा संघ-सस्थाहरुलाई कृष्ण सार्की लाई सहयोग गर्न अपिल गर्नुभएको थियो भने कार्यक्रमको सहजीकरण रोहित देवकोटा गर्नुभएको हो ।