मंसिर १४ गते हुने दाङ निर्वाचन क्षेत्र नम्वर ३ (ख) प्रदेश सभा सदस्य उपनिर्वाचनको लागि १४ जनाले मनोनयन दर्ता गराएका छन् । १२ वटा दल र २ जना स्वतन्त्र उम्मेदवारले मनोनयन दर्ता गराएका   हुन् ।  
मूख्य निर्वाचन अधिकृतको कार्यालय घोराहीका अनुसार साँढे १ बजे सम्ममा बिमला वली–नेकपा, केशव आचार्य–नेपाली काग्रेस,भुपाल रावत–राप्रपा, छोटीलाल चौधरी–राप्रपा संयुक्त, डिल्लीबहादुर डाँगी–समाजबादी पार्टी, हरिप्रसाद डाँगी–नेकपा माले, सुरेश परियार–नेपाल मजदुर किसान पार्टी, धनराज सुनार–राष्ट्रिय जनमुक्ति पार्टी,घनश्याम चौधरी–मंगोल नेशनल अर्गनाजेसन,शिबकुमार चौधरी–साझा पार्टी,दिपकधिताल–नेपाली काग्रेस(बि.पी.) , झरेद्र बहादुर खत्री–नेपाल लोकतान्त्रीक पार्टी , टीकाराम आचार्य–स्वतन्त्र र गोबिन्द केसी–स्वतन्त्रले मनोयन दर्ता गराएका मुख्य निर्वाचन अधिकृत ऋतेन्द्र थापाले जानकारी दिनुभयो ।
तोकिएको मनोनयन दर्ताको समयलाई शक्ति प्रर्दशनका रुपमा दलहरुले लिने भएकाले संम्भाबित झडप वा दुर्घटना हुन नदिन सर्तकता अपनाइएको स्थानीय प्रशासनले जनाएको छ । 
उपनिर्वाचनमा नेकपा र नेपाली काग्रेस बिच प्रतिस्पर्धा हुने बढी संम्भावना छ । 
अघिल्लो निर्वाचनमा उक्त निर्वाचन क्षेत्रबाट तत्कालीन नेकपा एमाले र नेकपा माओबादीका साझा उम्मेदवार उत्तर कुमार वलीले २३ हजार ९ सय ७० मत ल्याएर विजय हुनुभएको थियो । उहाका प्रतिस्पर्धी नेपाली काँग्रेसका वुद्धिराम भण्डारीले १७ हजार ५ सय ३५ मत ल्याउनुभएको थियो । 
वली र भण्डारी बिचमा ६ हजार ४ सय ३५ मतको अन्तर थियो ।
दाङ निर्वाचन क्षेत्र नम्वर ३ (ख) प्रदेश सभासदस्यका लागि  नेपाली काग्रेसका तर्फबाट केशव आचार्यले साँढे ११ बजे दलबल र नाराबाजीका साथ उम्मदवारी दर्ता गराउनुभएको थियो । आचार्यले आफ्नो उम्मेदवारी लोकतन्त्रको प्रर्बद्धन र सुशासनका लागि भन्नुभयो ।

त्यसको ठिक डेढ घण्टा पछि नेकपाका बिमला वलीले पनि ठ्ुलो दलबलका साथ उम्मेदवारी दर्ता गराउन १ बजे पुग्नुभएको हो । 
वलीले आफ्नो उम्मेदवारीका सम्बन्धमा केहिदिन भित्र प्रकासन गरीने घोषणा पत्रबाट जानकारी गराउने प्रतिक्रिया दिनुभयो । उहालाई राष्ट्रिय सभा सदस्य कोमल वलीले सहयोग गर्नुभएको थियो । सगसगै मुख्यमन्त्री शंकर पोख्रेलले मनोनय दर्ता स्थल सम्म साथ दिनुभएको थियो ।
नेकपाका वली सवारी दुर्घटनामा निधन भएका नेकपाका प्रदेश सभासदस्य उत्तरकुमार वलीकी श्रीमती हुनुहुन्छ भने काग्रेसका आचार्य प्रजातान्त्रिक आन्दोलनमा सक्रिय भूमिका खेल्ने ब्यक्तिका रुपमा लिने गरीन्छ । 
दाङमा निर्वाचन क्षेत्र नम्वर ३ (ख) प्रदेश सभासदस्य पद र घोराही उपमहानगरपालिका वडा नम्वर १६ मा वडा अध्यक्ष पद गरि २ स्थानमा उपनिर्वाचन हुर्दैछ । 
तत्कालीन प्रदेश सभासदस्य उत्तरकुमार वलीको सवारी दुर्घटनामा निधन भएको र वडा अध्यक्ष लक्षीमान बुढाको असमायिक निधन भएको थियो । 
दुवै जना तत्कालीन नेकपा एमालेको तर्फबाट निर्वाचीत जनप्रतिनिधि हुनुहुन्थ्यो । 
मूख्य निर्वाचन अधिकृत थापाका अनुसार कार्तिक २१ गते साँढे १ बजे सम्म उम्मेदावरी दर्ता,कार्तिक २२ गते उमेदवारको विरोधमा उजुरी दिने, २३ गते उजुरीमाथि जाँचबुझ गर्ने र सोही दिन उमेदवारहरुको नामावली सार्वजनिक गर्ने कार्यतालिका छ ।
यसैबिच,दाङ निर्वाचन क्षेत्र नम्वर ३(ख)प्रदेश सभासदस्य पदका लागि हुन लागेको उपनिर्वाचनको ७७ वटा मतदान केन्द्र÷स्थल तोकिएको निर्वाचन कार्यालयले जनाएको छ । 
प्रदेशसभा निर्वाचन क्षेत्र दाङ ३(२) को मतदाता ७३ हजार १ सय ७२ छन् ।
त्यस्तै,घोराही उपमहानगरपालिका वडा नम्वर १६ को वडा अध्यक्ष पदका लागि ५ स्थानमा मतदान केन्द्र÷स्थल तोकेको छ । जसमा बाहुन डाँडा (क),बाहुन डाँडा (ख),प्राबि सानी अम्वापुर (क),प्राबि सानी अम्वापुर (ख) र प्राबि सानी अम्वापुर (ग) तोकिएको छन् ।
निर्वाचित जनप्रतिनिधिहरुको आकस्मिक निधन लगायतका कारणले तीनवटै तहका ५२ स्थान रिक्त भएको हो ।
तीनै तहको उपनिर्वाचनमा ३७ जिल्लाका विभिन्न स्थानीय तहका १ सय ५५ वडाका मतदताले निर्वाचनमा भाग लिनेछन् ।