समाचार

    भाइराजा स्मृति क्रिकेट प्रतियोगिता नेपालगन्जमा शुरु

    नेपालगञ्ज, २१ फागुन ।
    स्वर्गिय रणेन्द्र बहादुर हमाल भाइराजा स्मृति क्रिकेट प्रतियोगिता आजदेखि नेपालगन्जमा आज वाट संचालन हुने भएको छ।
     
    सांसद मैकुलाल बाल्मिकीको संसदिय विकास कोषको रकमको सहयोगमा पाँचौं संस्करणको भाइराजा क्रिकेट प्रतियोगिता २०७३ हुने लागेको हो।
     
    विस २०४९ सालदेखि संचालनमा रहेको भाइराजा स्मृति क्रिकेट प्रतियोगिता विशेष कारणबस निरन्तर संचालन हुन नसकेपनि अबदेखि निरन्तर संचालन गर्ने मध्यपश्चिमाञ्चल क्षेत्रिय खेलकुद विकास समितीका अध्यक्ष भिम ओलीले जानकारी दिए।
     
    ८ टिमको सहभागिता रहेको उक्त प्रतियोगितामा सांसद बाल्मिकीको संसदिय विकास कोषबाट ३ लाख सहयोग गरिएको बाल्मीकीले बताए।
    प्रतियोगिता शनिवारदेखि नेपालगन्जको मंगलप्रसाद उच्चमाविमाको मैदानमा सुरु हुनेछ।
     
    प्रतियोगिता सम्पन्न गर्न कुल ३ लाख ५८ हजार २ सय खर्च हुने आयोजक टिमका अध्यक्ष सुनिल सिंह हमालले जानकारी दिए।
     
    पाँचौं संस्करणको विजेतालाई नगद ५१ हजार तथा उपविजेतालाई २५ हजार प्रदान गरिने आयोजकले जनाएको छ।
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal