ताजा खबर :

समाचार

    दाङका चार विद्यालयको खाजा वजेट रोकियो

    तुलसीपुर,२१ फागुन । 

    दाङ जिल्लाका चार सामुदायिक विद्यालयको खाजा खर्चको रकम रोकिएको छ । खाजा खर्चको रकम दुरुपयोग भएको उजुरी परेपछि रकम रोक्का गरिएको जिल्ला शिक्षा कार्यालय दाङले जनाएको छ । 
    जिल्ला शिक्षा अधिकारी रमेशप्रसाद मैनालीका अनुसार विद्यालयमा जाने खाजा खर्चको दुरुपयोग भएको उजुरी परेपछि रकम रोक्का गरिएको हो । उनका अनुसार विद्यालयले खाजा खर्चको लागि पाउने दोश्रो किस्ताको रकम रोक्का गरिएको हो । 
    ती विद्यालयहरुले पहिलो किस्ताको रकम भने लगिसकेका छन् । शिक्षा अधिकारीका अनुसार खाजा खर्च सम्बन्धी अख्तियार अनुसन्धान आयोगमा १ विद्यालयको, हेलो सरकारमा १ विद्यालयको र २ विद्यालयको शिक्षा कार्यालयमा उजुरी छ । 
    उजुरी परेपछि विद्यालयमा विद्यार्थीलाई दिवा खाजा खुवाउनका लागि दिने रकम रोकिएको शिक्षा कार्यालय बताएको छ । 
    खाजा खर्च रोक्का हुने विद्यालयहरुमा कालिका प्रा.वि. विष्णुपुर बाघमारे, बालकल्याण प्रावि नयाँबस्ती नारायणपुर, नि.मा.वि दुलैया राजपुर र प्रा.वि भहतेनी खोला भएको शिक्षा अधिकारी मैनालीले बताए । 
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal