समाचार

    राष्ट्रव्यापी आधुनिक संगीत प्रतियोगिता दाङमा हुने

    तुलसीपुर,२० फागुन । 
    मुलुकको जेठो रेडियो, रेडियो नेपालले राष्ट्रव्यापी आधुनिक संगीत प्रतियोगितालाई नयाँ संरचना अनुसार प्रदेश तहसम्म लैजाने भएको छ । आफ्नो ६७ औं वार्षिकोत्सबको अवसरमा प्रदेशस्तरीय राष्ट्रव्यापी आधुनिक संगीत प्रतियोगिता आयोजना गर्ने भएको रेडियो नेपालले जनाएको छ । त्यसका लागि रेडियो नेपालले सात वटै प्रदेशमा कार्यक्रम गर्नका लागि अख्तियारी दिइसकेको जनाएको छ ।
    ५ नम्बर प्रदेशको छनौट प्रतियोगिता राप्ती साहित्य परिषदसँगको सहकार्यमा यही चैत ११ गते दाङको घोराहीमा हुने संगीतकार सन्तोष श्रेष्ठले जानकारी दिए । उनले भने, ‘घोराहीमा हुने प्रतियोगिताका लागि प्रतियोगीले फागुन २७ गतेभित्र नयाँ रचना र संगीतको प्रतिलिपिसहित फारम भरिसक्नु पर्छ ।’
    इच्छुक व्यक्तिहरूले फागुन २७ गते सम्म नयाँ रचना र सङ्गीतको प्रतिलिपिसहित फाराम भरी सक्नुपर्नेछ । सहभागी प्रतियोगीहरूको प्रारम्भिक चरणको छनौट चैत १० गते गरिनेछ ।
    प्रारम्भिक चरणबाट उत्कृष्ट देखिएका प्रतियोगीहरूलाई ११ गते अन्तिम प्रतियोगितामा सहभागी गराइने श्रेष्ठले बताए ।
    उत्कृष्ट गायक र गायिकाहरूलाई प्रथम पुरस्कार– स्वर्ण पदक, द्वितीय पुरस्कार– रजत पदक र तृतीय पुरस्कार– काश्य पदक तथा प्रमाण–पत्रद्वारा पुरस्कृत गरिनेछ ।
    प्रदेशबाट प्रथम, द्वितीय र तृतीय हुने प्रतियोगीहरूलाई चैत १८ गते रेडियो नेपाल सिंहदरबारको राष्ट्रिय प्रतियोगितामा समाबेश गराइनेछ ।
    विस्तृत जानकारी र फाराम भर्नको लागि रेडियो नेपालको विजौरी स्थित रिले स्टेशनमा सम्पर्क गर्न सक्ने जनाएको छ ।

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal