समाचार

    चक्रपथ निर्माण कार्य सुरु

    तुलसीपुर २५ माघ /
    दाङको घोराही नगरपालिकाले चक्रपथनिर्माणको काम सुरु गरेको ७ वर्षमा ७ सय मिटर मात्रै ट्रयाक खुलेको छ । पछिल्लो तिन वर्षमा भने एक मिटर पनि सडक खन्ने काम भएको छैन ।
    नगरपालिकाको बृहत विकासका लागि सबै वडा छुने गरी देशकै सबैभन्दा लामो २९ किलोमिटरको चक्रपथ निर्माणका योजना घोराही नगरपालिकाले बनाएको हो ।
    चक्रपथका लागि रेखाङ्कनगरिएको घोराही नगरपालिका–१ सर्रा खण्डमा जग्गाधनीसँग नगरपालिकाले जग्गा लिने सम्बन्धमा सहमति हुन नसके पछि काम रोकिएको हो । चक्रपथको योजना २०६६ सालदेखि सुरु भएको हो ।
    यसका लागि सुरुका वर्षमा वार्षिक २० लाख रुपियाँ बिनियोजन गरे पनि पछिल्ला वर्षमा नगरपालिकाले बजेट छुट्टाउन समेत कम गर्दै गएको छ । अहिलेसम्म चक्रपथ निर्माणकालागि नगरपालिकाले ६८ लाख रुपैयाँ खर्च गरिसकेको छ ।
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal