ताजा खबर :

समाचार

    एमाले र माओबादीको एकिकरणले काग्रेसलाई फरक पर्दैन ः दाङ काग्रेस

    दाङ,५ बैशाख
    बाम गठबन्धनले नेपाल कम्यूनिष्ट पार्टीको स्वरुप लिएपछि नेपाली काग्रेसले पनि पार्टी सुदृढिकरण अभियान सञ्चालन गर्ने तयारी गरेको छ । नेपाल तरुण दलले आज शनिबार घोराहीमा आयोजना गरेको तरुण युवाहरुको भेला तथा एकदिने प्रशिक्षण कार्यक्रममा सम्बोधन गर्नुहुदै नेपाली काग्रेसका जिल्ला सभापति कृत्तिबहादुर खड्काले नेकपा एमाले र नेकपा माओबादीको एकता पछि लोकतन्त्रलाई थप संस्थागत र संरक्षणका लागि पौढ देखि यूवा बिद्यार्थी गाँउ गाँउमा जानुपर्ने बताउनुभएको छ । उहाले अव केहिदिन भित्र पार्टीले जिल्ला कमिटिका पदाधिकारी तथा सदस्यहरुलाई गाँउ,टोल र वडा वडामा खटाउने छ । खटाईएको पार्टीका नेताहरुले भाषण गर्न पाउने छ्रैनन् । उनीहरुको काम भनेको जनताका कुरा सुन्ने हो, र मुलुकको राजनीतिक अबस्था,बाम दलहरुले गर्न सक्ने सम्भाबित दुर्घटना र नेपाली काग्रेसको समाजबादको नीति तथा सिद्धान्तको बारेमा बुझाउने छन्,सभापति खड्काले भन्नुभयो । उहाले भन्नुभयो,घात र प्रतिघात,गुट र उपगुट,आरोप र प्रति आरोपबाट नेपाली काग्रेस जेलिएको बताउनुभयो । मन सफा राखौ,पार्टीहितका लागि लागौ,स्वार्थलाई त्यागौ,कम्युनिष्टहरु जती एकिकृत भएपनि काग्रेसलाई समाप्त पार्न सक्ने छैनन् । काग्रेस समाप्त नहुदा सम्म लोकतन्त्र पनि समाप्त हुने छैनन्,सभापति खड्काले कार्यकर्तालाई निरास नहुन आश्वासन   दिनुभयो । 
    सोहि अवसरमा नेपाली काग्रेसका पूर्ब सभापति गेहेन्द्र गिरीले नेकपा एमाले र नेकपा माओबादी बीचको एकताको भबिष्य प्रति शंका गर्नुभयो । दुई तिन बर्ष भित्रमा के हुन्छ,संकेत देखिने छ । उहाले कार्यकर्तालाई आग्रह गर्नुभयो,कुनैपनि चिन्ता नगर्नुहोस्,पार्टी सुद्धृढिकरणमा लाग्नुहोस् पूर्ब सांसद गिरीको भनाई छ ।
    त्यसअबसरमा नेपाली काग्रेसका निर्वतमान सभापति घनश्याम रेग्मी,सांसद अर्जुनकुमार श्रेष्ठ,पूर्ब सभासद्द्धय बुद्धिराम भण्डारी र राजु खनाल,नेता भरत न्यौपाने,पूर्ब सचिब कमल किशोर घिमिरे,सचिब टेकबहादुर वली,क्षेत्र नम्वर २ का सभापति गिरीराज सुबेदी,नेपाली काग्रेसकी नेतृ सुष्मा गिरी,नेपाल तरुण दल दाङका संस्थापक अध्यक्ष बाशुदेव जंगली,नेता भीमप्रकास खड्काले बोल्नुभएको थियो ।नेपाल तरुण दलका जिल्ला अध्यक्ष टीका घर्तीको अध्यक्षतामा भएको भेला तथा प्रशिक्षण उद्घाटन कार्यक्रममा नेपाल तरुण दलका पूर्ब नेता यज्ञनारायण आचार्य,तरुण दलका निर्वतमान अध्यक्ष सुशील आचार्य,नेबिसंघका पूर्ब केन्द्रिय उपाध्यक्ष प्रदिप खड्का,नेवि संघका पूर्ब केन्द्रिय सदस्य युवराज खड्का,नेबि संघका केन्द्रिय सदस्य भेषराज डाँगी,नेपाल प्रेस यूनियनका जिल्ला अध्यक्ष सुशील बस्नेत,नेविसंघका कार्यबाहक जिल्ला अध्यक्ष टोपबहादुर बुढाथोकि,नेपाल शिक्षक संघका अर्जुन योगी,नेपाल महिला संघका जिल्ला अध्यक्ष गोमा रावत लगायतले नेपाली काग्रेसको भूमिका,नेताले खेल्नुपर्ने भूमिका र कार्यकर्ताको सक्रियताका बारेमा चर्चा गर्नुभएको थियो ।त्यस अवसरमा उपाध्यक्ष मुक्तिप्रसाद न्यौपानेले स्वागत मन्तब्य,धन्यबाद ज्ञापन सदस्य रमेश मल्ल र सहजिकरण सचिब ध्रुव आचार्यले गर्नुभएको थियो ।
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal