समाचार

    हावाहुरुले दाङमा लाखौ क्षति

    दाङ,३१ बैशाख
    आईतबारको हावाहुरीले दाङका बिभिन्न स्थानमा लाखौको क्षति पु¥याएको छ । हावाहुरीका कारण घरका जस्ता पातामा क्षति पुगेको छ भने घर भत्किएका छन् । फलफूल तरकारी र बोटबिरुवामा ठुलो क्षति पुगेको छ । बबई गाँउपालिका वडा नम्वर ७ मलैका एक बिद्यालय र एक दर्जन घर र एउटा पसलमा क्षति पुगेको छ । देउकी माबि मलैको २ कोठे भवनको टीनले छाएको टर्समा क्षति पुगेको छ । सोही ठाँउमा चम्पा ओलीको पसलको छाना उडाउदा २० हजार बराबरको सामानमा क्षति पुगेको छ । त्यस्तै मंगल सिह बुढा,गमन बुढा र नरेन्द्र बुढाको बन्दै गरेको घरमा क्षति पुगेको छ । नोखिराम वली,देवबहादुर वली,हुर्मत बिक,टोपबहादुर विक र बिरबहादुर घर्तीका घरका छाना तथा टिन हावा हुरीले उडाउदा लाखौको क्षति पुगेको मलैबाट स्थानिय पत्रकार प्रेम पुनले जानकारी दिनुभएको छ ।तुलसीपुर उपमहानगरपालिका वडा नम्वर १२ हरिपौराका बारु चौधरीको घरको टिनको छाना उडाएको छ । छाना उडाउदा झण्डै ५० हजार बराबरको क्षति पुगेको छोरा रामकुमार चौधरीले बताउनुभयो ।तुलसीपुर उपमहानगरपालिका १२ हरीपौरीमा रहेको सम्झना लेस फर्मका ८ सय लेस कुखुराका मरेको छन् । घर भत्कीदा कुखुरा मरेका हुन । एक हजार कुखुरा मध्ये २ सय कुखुरा मात्र जिवित रहेका छन । पिडितका अनुसार १० लाख बराबरको क्षती भएको छ । उतो राप्ती गाउँपालिका वडा नम्बर ५ कालापानीका रामप्रसाद चौधरीको कच्ची घरमा रुखको हाँगा खस्दा टिनको छानामा क्षती पुर्याएको छ । घरभित्र रहेका सामानमा समेत क्षेति हुदा करिव ३५ हजार बराबरको क्षति भएको छ ।सोही गाँउपालिका ६ भगवानपुरका रामलाल चौधरीको टिन लगाएको कच्ची घरमा क्षती पु¥याएको छ भने हावाहुरीले पसल र घर भित्ररहेको सामानमा समेत क्षति हुदा करिव २ लाख बराबरको नोक्सान भएको छ । हावाहुरीले फलफूल, तरकारी तथा अन्नबालिमा समेत नोक्सानी गरेको छ । गयरातिको हावाहुरीका करण अबरुद्ध दाङको बिद्युत सेवा सोमबार बिहान करिव ९ बजेदेखि सञ्चालनमा आएको छ ।बिभिन्न ठाँउमा रुख ढल्दा बिद्युत पोल र तारमा क्षति पुग्दा विद्युत सेवा अवरुद्ध भएको थियो । 
     

     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal