समाचार

    दाङमा गहुँ खेति अबल

    दाङ,१४ बैशाख
    यस वर्ष दाङमा ३० हजार ५०० मेट्रिक टन गहुँ उत्पादन छ । गतवर्ष भन्दा यस वर्ष एक हजार ४०५ मेट्रिक टन बढी गहुँ उत्पादन भएको छ ।गत वर्ष जिल्लामा २९ हजार ९५ मेट्रिक टन गहुँ उत्पादन भएको थियो । गहुँ उत्पादनका लागि दाङ उपयुक्त रहेको भन्दै पोख्रेलले जिल्लामा १२ हजार ६०० हेक्टर जमिनमा गहुँ खेती हुँदै आएको जिल्ला कृषि विकास कार्यालय दाङका कृषि प्रसार अधिकृत तथा घोराही उपमहानगरपालिका कृषि शाखाका प्रमुख भरतमणि पोख्रेलले जाानकारी दिनुभयो ।दाङ गहुँ खेतीका लागि उपयुक्त स्थान मानिन्छ । जिल्लाको प्रमुख तेस्रो अन्न बालीका रूपमा रहेकोे गहुँ खेतीलाई आधुनिकीकरण गर्दै आएकाले उत्पादनमा वृद्धि हुँदैआएको छ । दाङमा ६५ हजार ५८० हेक्टर जमिनमध्ये १२ हजार ६५० हेक्टर जमिनमा गहुँ खेती गरिएको छ ।जिल्लाका सबै क्षेत्रमा सिँचाइको सुविधा नहुँदा गहुँ खेती सबैतिर हुन नसकेको भन्दै कृषि प्रसार अधिकृत पोख्रेलले सिँचाइको सुविधा बढाउन सकेमा यहाँ गहुँ उत्पादनमा उल्लेख्य वृद्धि हुने बताउनुभयो ।  कार्यालयका अनुसार जिल्लाको देउखुरी क्षेत्रमा व्यावसायिक रूपमा गहुँ खेती हुन्छ  ।
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal