समाचार

    १४ हजार जनालाई स्वरोजगार सम्बन्धि तालिम

    दाङ,२४ चैत
    वेरोजगारीको समस्याले सताएको यो मुलुकमा त्यसको न्यूनिकरणका लागि व्यवसायिक तथा सिप विकास तालिम केन्द्र तुलसीपुरले बर्षेनी रोजगारमूलक सीप सिकाई स्वरोजगार गराउने काम गरिरहेको छ ।हाल सम्म करिव १४ हजार जनालाई बिभिन्न प्रकारको सीप सिकाएको उक्त केन्द्रले जनाएको छ । २०४९ सालमा स्थापना भएको केन्द्रले स्थापनाको झण्डै २५ बर्षको यो अबधि सम्म १३ हजार ७ सय ६३ जनालाई स्वरोजगार सम्बन्धि सीप सिकाएको हो ।केन्द्रका निमित्त प्रमुख सुर्दशन अधिकारीका अनुसार कार्यालयको नियमित तर्फ ५ हजार ४ सय ११ जना र अल्पकालीन तर्फ ८ हजार ३ सय ५२ जनाले बिद्युत जडान,कटाई सिलाई, पल्वीङ, केश श्रृंगार, ईलेक्ट्रोनिक्स, मोटरसाईकल मर्मत, कम्प्यूटर, वेल्डीङ, अटो मेकानिक्स, केश श्रृंगार अप ग्रेडिङको सीप सिकेका छन्् ।
    हालसम्म नियमित तर्फको तालिममा महिला २ हजार ३ सय ५६ र पुरुष ३ हजार ५५ गरी जम्मा ५ हजार ४ सय ११ जना छन्् । चालु आर्थिक वर्ष २०७४।७५ का लागि विद्युत्् जडानमा वार्षिक लक्ष्य ४० जना मध्ये फाल्गुण मसान्त सम्म २६ जना र प्लम्विङ््मा ४० जना मध्ये १७ जना,केश श्रृंगारमा ४० मध्ये २१,कटाई सिलाईमा ८० मध्ये ४५,ईलोक्ट्रोनिक्समा ४० मध्ये २२ जना,मोटरसाईकल मर्मतमा ४० मध्ये २३ जना,कम्प्युटरमा ८० मध्ये ७४ जना,वेल्डीङमा ४० मध्ये १८,अटो मेकानिक्समा ४० मध्ये १५ जनालाई फागुण सम्मम सिप सिकाईएको छ भने  केश श्रृंगार अप ग्रेडिङमा २० जनालाई सिप सिकाउने लक्ष्य छ ।२०६२÷६३ देखि मात्र अल्पकालीन सिप सिकाउने कार्य शुरु गरिएको केन्द्रले जनाएको छ । नाफामुलक फर्म,कम्पनि,संस्था,प्राली लगायतको संयुक्त आयोजनामा ३० वटा कार्य गर्ने गरिएको छ । नियमति तर्फमा कम्प्यूटर,अटो मेकानिक्स,मोटरसाईकल मर्मतका लागि ६ महिने सीप सिकाईन्छ भने कटाई सिलाई,बिद्युत जडान,केश श्रृंगार,ईलेक्ट्रोनिक्स,वेल्डीङ र पल्वीङका लागि ३ महिने तालिम दिने गरिएको छ ।दिएको सिपलाई अधिक्तम प्रयोगका लागि सिप सिकेका ब्यक्तिहरुलाई सिप परिक्षणमा सामेल गराउने गरिएको अधिकारीले जानकारी दिनुभयो । २०७४÷७५ मा मात्र ९० जनाले सिप परिक्षणमा सहभागि गराईएको छ । उनीहरुले आफुले सिकेको सीपलाई प्रशिक्षक रुपमा प्रयोग गर्ने गरि प्रमाण पत्रको ब्यबस्था राष्ट्रिय सीप परिक्षण समिति भक्तपुरले गरेको केन्द्रले जनाएको छ । त्यसबाहेक केन्द्रबाट सीप सिकेका परिक्षार्थीहरुलाई प्रोत्साहन गर्न २० हजार रुपैया पुरस्कार बाफत दिने गरिएको छ । तालिममा सहभागि हुदा,तालिम पछि ब्यबसाय सञ्चालन गरेका उत्कृष्ठ ब्यक्तिलाई पुरस्कार  दिने गरिएको छ । हाल सम्म १६ जनाले प्रोत्साहन बाफतको रकम प्राप्त गरेका केन्द्रका गणक बुद्धिबहादुर चौधरीले बताउनुभयो ।
    ब्यबसायिक तथा सीप विकास तालिम केन्द्र तुलसीपुर लगायत देशका बिभिन्न १६ स्थानमा छन्् । 

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal