समाचार

    नेताको स्वास्थ्य लाभको कामना गदै युवाहरु भगवनाको शरणमा

    दाङ,१० चैत
     
     
    दाङमा नेपाली कांग्रेसका प्रभावशाली नेता खुमबहादुर खड्काको स्वास्थ लाभको कामना गर्दै रुद्रीपुजा गरिएको  छ । 
    नेपाल विद्यार्थी संघ क्षेत्र नम्बर ४ को सक्रियतामा सिद्वेश्वरी (कालिका) मन्दिरमा ५ जना पंण्डीतले जपपाठ,ग्रहशान्ति र रुद्री पाठ गरेका छन् । युवा बिद्यार्थीहरु भने पुजाको कर्ता भएका छन् । दिल्लीको एपोलो हस्पटीलमा उपचारार्थ भर्ना भएका जनप्रीय नेता,पुर्ब गृहमन्त्रीको स्वास्थ्य लाभको कामनाका लागि मन्दिरमा रुद्री पुजा गरिएको संघका क्षेत्रीय अध्यक्ष एकराज खड्काले बताउनुभयो ।बिरामी परेका पार्टीका नेता खड्काको स्वास्थ्य लाभका लागि युवा बिद्यार्थीहरुले आयोजना गरेको रुद्रीपु्जामा पुर्ब सांसद गेहेन्द्र गिरी समेत सहभागि हुनुभएको छ । बिरामी पर्नुभएका खड्काको स्वास्थ्य लाभको कामना गर्दैै पुजापाठ आफुपनि सहभागि भएको गिरीले बताउनुभयो । हिन्दु धर्मको रक्षाका लागि अभियान सञ्चालन गरेका काग्रेस नेता खड्काको स्वास्थ्य लाभको कामना लागि पुजा अर्चानाका कार्यक्रम दाङमा दिनहुँ हुने गरेका बिद्यार्थी नेता अरुण लहरेले बताउनुभयो । भगवनाले पक्कै युवा बिद्यार्थीहरुले सुन्ने छन् र जनप्रीय नेता खड्काको स्वास्थ्यमा सुधार आउला भन्ने आशामा रहेको लहरेले बताउनुभयो ।नेता खड्काको स्वास्थ्यमा समस्या देखिएपछि खड्काको भारतको नयाँदिल्लीमा उपचार भइरहेको छ,हामी जिल्लामा उहाको स्वास्थ्य लाभको कामनाका लागि भगवनालाई गुहारी रहेका छौ,बिद्यार्थी नेता घनश्याम भण्डारीको भनाई छ । मृगौला र बाथसम्बन्धी समस्याका कारण नेता खड्का गम्भीर बिरामी पर्नुभएको हो । पत्नी शिला गौतम खड्कासहित भारतको राजधानी नयाँदिल्लीमा उपचाररत खड्का हुनुहुन्छ । खड्काले २ वर्षअघि मिर्गौला प्रत्यारोपण गराउनुभएको थियो ।
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal