समाचार

    यातायात ब्यबसायीलाई राज्यले प्रोत्साहन गर्न सकेन ः यातायात मजदुर

    दाङ,२५ फागुण 
     
    नीजि लगानीका यातायात क्षेत्रलाई प्रोत्साही गर्ने गरि राज्यले कार्यक्रम ल्याउनपर्ने यातायात मजदुर तथा ब्यबसायीहरुले बताएका छन् । आज शुक्रबार तुलसीपुरमा राप्ति अंचल सार्वजनिक यातायात ब्यवसायी समितिको १७ औ अबिधेसन तथा ३७ औ साधारणसभाको उद्घाटन कार्यक्रममा बोल्ने मजदुर तथा ब्यबसायीहरुले राम्रो सडक,उच्च स्तरको बसपार्क र यातायात ब्यबसायी र मजदुरका लागि प्रशिक्षणको ब्यबस्था सरकारले गराउनुपर्ने माग गरेका छन् । देशका केही बसपार्क र सडक राम्रा भएपनि अधिकासं ठाँउको अबस्था भने कम्जोर रहेको बताएका छन् । सडक र पुल तोकिएको समयमा सम्पन्न हुदैनन्,यात्रुको चाप बढदो अबस्थामा छ,उनीहरुको भनाई छ । दुई बर्षको समयसीमा तोकिएका पुल ४÷६ बर्ष समय लाग्छ,तैपनि सम्पन्न हुदैन,कर्मचारी युनियनका अध्यक्ष तिलक योगी र नेपाल मजदुर संगठनका अध्यक्ष केशव भण्डारीले बताउनुभयो । यसका लागि राज्य गम्भीर बन्नुपर्छ,पुल,सडक र बसपार्कका लागि बिशेष ध्यान दिनुपर्छ मजदुर तथा ब्यबसायीहरुको आग्रह छ । सरकार सबैका लागि हो भन्ने महसुस गराउनका लागि पनि स्थानीय तहमा यातायात मजदुर र ब्यबसायीहरुका लागि बिभिन्न सीप सिक्ने तालिमको बजेट विनियोजन गरिनुपर्नेमा जोड उनीहरुले दिएका छन् ।
    समितीका अध्यक्ष शुरेस हमालको अध्यक्षतामा भएको कार्यक्रममा राष्ट्रिय महासंघका अध्यक्ष योगेन्द्र कर्माचार्य,उपाध्यक्ष पुष्पा श्रेष्ठ,महासचिब सरोज सिटौला,नेकपा एमाले दाङका अध्यक्ष टीकाराम खड्का,नेपाली काग्रेस दाङ सचिब शंकरप्रसाद डाँगी,नेकपा माओबादीका नेता रामजी चौधरी मिलन,तुलसीपुर उप महानगरपालिकाका मेयर घनश्याम पाण्डे, घोराही उपमहानगरपालिकाका मेयर नरुलाल चौधरी, नागरिक समाज दाङका संयोजक टीकाराम रेग्मीले बोल्नुभएको थियो । यस्तै नेपाल राष्ट्रिय यातायात ब्यबसायी महासंघका निरज चलाउने,तुलसीपुर उद्योग बाणिज्य संघका रामप्रसाद चालिसे,समितिका अनुगमन संयोजक युवराज शर्मा,नेपाल पत्रकार महासंघ दाङका अध्यक्ष सवीन प्रियासन,मानव अधिकार तथा शान्ति समाजका केन्द्रिय सचिब सुशील बस्नेत,बेल्झुण्डी खानेपानि सरसफाई उपभोक्त समितिका अध्यक्ष प्रदीप मज्गैया लगायतले यातायात क्षेत्र,नागरिक,राज्यको भूमिका बारेमा चर्चा गर्नुभएको थियो । कार्यक्रममा प्रशासनीक सचिब नारायण न्यौपानेले सांगठनीक प्रतिबेदन प्रस्तुत गर्नुभएको थियो । स्वागत मन्तब्य बरिष्ठ उपाध्यक्ष भरतनाथ योगी र सहजीकरण प्रेस सल्लाहकार शरद रेग्मीले गर्नुभएको थियो ।जारी कार्यक्रममा समितिमा रहेर उत्कृष्ट कार्य गर्ने कर्मचारी,मजदुर,सञ्चारकर्मी,पूर्ब तथा संस्थापक अध्यक्ष,ब्यबसायी लगायतलाई सम्मान तथा पुरस्कृत गरिएको छ ।अबिधेसनले नँया नेतृत्व चयन गर्ने छ भने आगामी योजना समेत तय गर्ने छ । समितिमा ६ सय ३५ यातायात ब्यबसायी आबद्ध छन् ।निर्वाचन कार्यतालिका सार्वजनिक गरिए पनि सर्वसहमतिको प्रयास भने जारीे छ । सर्वसहमति गराउनका लागि सल्लाहकार खडक बहादुर बुढाथोकीको संयोजकत्वमा ९ सदस्यीय समिति समेत बनेको छ ।
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal