समाचार

    महामेलाको तयारी धारपानीमा । २ लाख भक्तजन आउने अपेक्षा

    दाङ,२९ माघ
    शिबरात्रीमा महामेला हुने धार्मिक स्थल घोराहीको धारपानीमा तयारी तिव्र पारिएको छ । बिश्वकै ठुलो त्रिशुल,एक सय ८ शिवलिङ,बिश्वकै ठुलो मध्येको शंङख , सयौको संख्यामा रोपीयका वर पीपलको जोडी लगायतको प्रमुख धार्मिक स्थल धारपानीमा  महाशिब रात्रीको दिनमा ठुलो संख्यामा मानिसको घुईचो लाग्ने भएकाले त्यसको ब्यबस्थापनको तयारी तिव्र पारिएको हो । बाहिरी जिल्लाबाट समेत धर्मालम्वीहरु आउने भएकाले पनि हजारौको संख्यामा आउने दर्शनार्थीहरुको ब्यबस्थापनका लागि स्वयम सेवक र सुरक्षाकर्मी परिचालन गरिने जिल्ला प्रशासन कार्यालय दाङले जनाएको छ । मन्दीर ब्यबस्थापन समितिका अध्यक्ष गणेशकुमार अधिकारीका अनुसार १ सय ५० प्रहरी,१ सय १ जना स्वयमसेवक परिचालन गरिने छ । पुजन कार्यलाई सहज बनाउन एकतर्फी आउने र जाने र मख्य मन्दीरद्धारामा १० जना महिला प्रहरी परिचालन गरिने छ । गत बर्ष डेढलाख भक्तजनहरु आएको दावी गरेको मन्दिर ब्यबस्थापन समितिले यसपाली २ लाख आउने अपेक्षा गरेको छ । भक्तजनलाई पिउने पानिको लागि ८ वटा धारा जडान गरिएको छ । घोराही बजारदेखि मन्दिर सम्म आउन जानका लागि ५० प्रतिब्यक्ति एकतर्फका लागि ५० रुपैया र तिनपाङख्रे अटोमा प्रति ब्यक्ति एक सय काम गरिएको छ ।।।
    जिल्लाका अन्य शिब मन्दीरमा समेत दर्शनार्थीहरुको बिहानदेखि घुईचो लाग्ने गरेको स्थानीयहरुको भनाई छ । त्यसका लागि जिल्ला भरका बिभिन्न धार्मिक स्थल र सडक जाँचमा झण्डै एक हजार बढी सुरक्षाकर्मी हुने स्थानीय प्रशासनले जानकारी दिएको छ । 
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal