समाचार

    आपसमा जोड्न योग साधनले गर्छ ः योग साधक

    दाङ,२७ माघ
     
    योग साधनले मानीसलाई एक आपसमा जोड्ने योग साधकहरुले दाबी गरेका छन् । पतञ्जली योग निवारण केन्द्र तुलसीपुरले आज शनिबार राप्ती शान्ति उद्यानमा आयोजना गरेको सम्मान कार्यक्रममा सहभागि योग साधकहरुले योगको अर्थ जोड्नु हो भन्नेका छन् । परिवार भित्र सदस्य बिरामी भए क्रमस कलह बढदै गएको तितो यर्थातता कैयौ अनुभव भएको बताएका उनीहरुले योग साधनलाई मानीसलाई निरोग र रोगमुक्त गराउने  दाबी गरेका छन् । केन्द्रका अध्यक्ष शिवकुमार आचार्यको अध्यक्षता एबम श्रम तथा रोजगार राज्यमन्त्री डिल्लीबहादुर चौधरीले उक्त सम्मान कार्यक्रममा भन्नुभयो,योग साधनाले मानिसको मुहारमा खुसी ल्याउँछ । पूर्बीय दर्शनमा शुरु भएको योगसाधनाबाट हुने लाभका बारेमा प्रमाणीत भईसकेको बताउनुभयो । सो अबसरमा तुलसीपुर उपमहानगरपालीका वडा नम्वर ५ का सदस्य साबीत्रा गुरुङ,नेपाल प्रेस युनियनका अध्यक्ष सुशील बस्नेत,नगर स्तरीय महिला सञ्जालका अध्यक्ष यमुना शाह,समाजसेवी लोकराज डाँगी,कमला गैरे लगायतले योग साधनको महत्वको बारेमा चर्चा गर्नुभएको थियो । त्यस अबसरमा पतञ्जली योग निवारण केन्द्रलाई सहयोग गर्ने बिभिन्न ब्यक्ति तथा संस्थालाई सम्मान गरिएको थियो । कार्यक्रममा स्वागत मन्तब्य पूर्णप्रसाद धिताल र सहजीकण बामदेव धितालले गर्नुभएको थियो ।
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal