समाचार

    दाङमा आएका जनप्रतिनिधिहरुलाई पर्यटकीय स्थल घमाउने

    दाङ,२३ माघ
     
    राष्ट्रियसभा चुनावको प्रदेश नम्बर ५ को चुनावका लागि दाङ आउने मतदाताहरुलाई दाङको घोराही उपमहानगरपालिकाले पर्यटकीय स्थलहरू भ्रमण गराउने भएको छ । मेयर नरुलाल चौधरीले घोराही उपमहानगरले घोराहीमा आउने सबै मतदातालाई अतिथिको रूपमा स्वागत गर्दै भोजनको व्यवस्था गर्ने र यसक्षेत्रका पर्यटकीय सम्पदाको अवलोकन गराउने निर्णय गरेको बताउनुभयो । उहाले विभिन्न १२ जिल्लाबाट मतदानका लागि दाङ आएका सबैलाई अतिथिको रूपमा गर्न स्वागत गेट निर्माण गर्न लागिएको मेयर चौधरीले बताउनुभयो । त्यसपूर्व नगर क्षेत्रको सरसफाई गरी मतदान स्थललाई व्यवस्थित बनाउने गरी कामहरू सुरू भएको चौधरीले जानकारी दिनुभयो उहाले ऐतिहासिक अवसरमा आउने मतदातालाई घोराही नगरले अतिथिको रूपमा स्वागत गर्न लागेको बताउनुभयो । 
    यसैबिच भोलि बुधबार हुने राष्ट्रियसभा चुनावको लागि सबै तयारी पूरा भएको मूख्य निर्वाचन कार्यालय दाङले जनाएको छ । पाँच नम्बर प्रदेशका लागि घोराहीमा मतदान हुने छ । 
    ८ जना राष्ट्रिय सभा सदस्यका लागि भएको हुन लागेको निर्वाचनमा ३ जना महिलाहरु भने निर्विरोध निर्वाचीत भई सकेका छन् । नेपाली काग्रेसबाट महिला कोटाका लागि राष्ट्रिय सभा सदस्यका उम्मेदवार अनीता देवकोटा,नेकपा एमालेका तर्फबाट महिला कोटाका दाङकी कोमल वली र रोल्पाकी मिना बुढा महिला कोटा निर्बिरोध हुनुभएको हो । माघ १० गते नेकपा एमालेका चार, नेपाली काँग्रेसका चार, नेकपा माओबादीको तर्फबाट २ र राष्ट्रिय जनमोर्चाबाट एक जनाले मनोनयन दर्ता गराएका थिए ।
    नेकपा एमालेको तर्फबाट पश्चिम नवलपरासीका रामलखन हरिजन दलित कोटाबाट, रुपन्देहीका खिमलाल भट्टराइले उम्मेदवारी हुनुहुन्छ । नेपाली काँग्रेसबाट रुपन्देशीका दुर्गाप्रसाद उपाध्याय खुलाबाट,बाँकेका मैकुलाल बाल्मिकी दलित कोटाबाट र पुर्वि रुकुमका लुटबहादुर खत्री अपांग कोटाबाट उम्मेदवारी बन्नुभएको छ । नेकपा माओबादी केन्द्रको तर्फबाट रोल्पाका राजकुमार कुँवर अपांग कोटाबाट र अर्घाखाँचीका चन्द्रबहादुर खड्का खुलाबाट उम्मेदवारी दर्ता बन्नुभएको छ ।राष्ट्रिय जनमोर्चाको तर्फबाट दाङका रश्मीराज नेपाली उम्मेदवार बन्नुभएको छ ।दाङ, बाँके,बर्दिया,पूर्बी रुकुम, रोल्पा, प्युठान, अर्घाखाँची, कपिलबस्तु, पाल्पा, रुपन्देही, गुल्मी,परासी जिल्ला गरि १२ जिल्लाका ३ खूल्ला,३ महिला,१ दलीत र १ अल्प संख्य,अपाङ गरि ८ जना निर्वाचीत हुने संबैधानीक ब्यबस्था छ । ८ जना उम्मेदवारका लागि प्रदेश नम्वर ५ का ८७ जना प्रदेश सभा सदस्य,स्थानीय तह अन्तर्गत १२ जिल्ला समन्वय समितिका संयोजक तथा सह संयोजक,मेयर उपमेयर,गाउपालीका अध्यक्ष र उपाध्यक्ष समेत २१८ गरि ३०५ जना मतादाता रहेका मूख्य निर्वाचन अधिकृत हेमन्त रावलले जानकारी दिनुभयो ।प्रदेश नम्वर ५ को अस्थायी मुकाम रुपन्देही माघ ३ गते तोके पनि सरकारले प्रदेशको अस्थायी केन्द्र नतोक्दै आयोगले उच्च अदालत रहेका स्थानमा निर्वाचन अधिकृतको कार्यालय खोलेको थियो । 
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal