समाचार

    बहिराको मेला स्थगित,बहिराहरुको आवास संघसंस्थाले गराईदिने

    दाङ,११ माघ
     
     
    बहिरा वालवालिकाहरुको छात्राबास निर्माण कार्य यसै आर्थिक बर्ष भित्रबाट तुलसीपुरमा शूरु गरिने भएको छ । तुलसीपुरमा राप्ती बहिरा संघ र तुलसीपुर उद्योग  बाणिज्य संघ बिच मेला सञ्चालन गर्ने वा नगर्ने भन्ने बिषयमा देखिएको बिबाद  समाधान गर्न तुलसीपुर उपमहानगरपालीकाको पहलमा आज बिहीबार बसेको सबपक्षिय भेलाले यसै आर्थिक बर्ष भित्र तुलसीपुर नगरपालीका , तुलसीपुर उद्योग बाणिज्य संघ,राप्ती बहिरा संघ,अपाङ सञ्जाल,राप्ती बहिरा संघ,ब्यबसायीहरु पहलमा बहिरा वालवालिकाहरुका लागि आवास निर्माण शूरु गर्ने सहमति भएको हो । तर राप्ती बहिरा संघले यहि माघ १५ गतेदेखि २५ गते सम्म सञ्चालन गर्ने भनिएको मेला भने स्थगित गर्ने लिखित सहमति भएको छ ।भेलाले तुलसीपुर उपमहानगरपालीका क्षेत्रमा सञ्चालन हुने ब्यापार मेला महोत्सव सम्बन्धि आवश्यक मापदण्ड तय गरि सोही अनुरुप मात्र मेला महोत्सव सञ्चालन गर्ने सहमति भएको छ । राप्ती बहिरा संघले आयोजना गर्ने मेला स्थगित गर्ने,पेश्की वाफतको रकम फिर्ता गराउन सामूहीक पहल गर्ने,मेला तयारीका लागि दाङ जिल्ला भित्र लागेको वास्तीविक खर्च सामूहीक ब्यबस्थापनमा गर्ने र केन्द्रमा भएको खर्च अपाङ सञ्जाल,संघ र महासंघको पहलमा ब्यबस्थापन गर्ने सहमति भएको छ । 
    त्यस्तै अपाङ वालवालिका हितकोष स्थापना गर्ने सहमति भएको तुलसीपुर उपमहानगरपालीकाले जनाएको छ ।
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal