समाचार

    आन्दोलन चर्कदै,सरकारी कार्यालयदेखि यातायात सम्म बन्द

    दाङ,५ माघ
     
    दाङमा आज चौथो दिनमा आम हडताललाई झनै कडा बनाउदा जनजीवन नराम्रो सग प्रभाबित भएको छ । 
    दाङका तुलसीपुर लगायत मूख्य बजारमा दाङ प्रादेशीक राजधानीको माग गर्दै ठुलो संख्यामा आन्दोलनकारी नाराबाजी गरेका छन् । बिहानदेखि जिल्लाका मूख्य बजारहरु सुनसान छन् । 
    राजमार्ग समेत बिहानदेखि ठप्प भएका खबर प्राप्त भएका छन् । दवाव दिएरै प्रदेश नम्वर ५ को अस्थायी मुकाम दाङ गराउन सरकारलाई पूर्न बिचार गराउन आम हडताल शुरु गरिएको हो । सरकारले थेग्नै नसक्ने गरि आन्दोलनलाई अगाडी बढाउने चेतावनी दिदै सडक संघर्ष भएका छन् । फाटफुट अटो र मोटरसाईकल सञ्चालनमा छन् । सरकारी कार्यालय,गैरसरकारी कार्यालय,पसल उद्योग,शिक्षण संस्था समेत बन्द गरिएका छन् । दवाव बिना नै ब्यबसाय,शैक्षिक संस्था,गाडी मोटर बन्द गर्दा दिनहु आन्दोलन ब्यस्थीत र उत्साहजनक रुपमा बढीरहेको बताएको छ ।हिजो बेलुकी ६ बजेदेखि खुल्ला गरिएपनि करिव १२ घण्टा पछि पुन ः बन्दलाई कडाई बनाएको छ ।वर्तमान सरकारले अन्याय पूर्ण निर्णय गरेको भन्दै शेरबहादुर देउवा नेतृत्वको सरकारका बिरुद्ध कुरा गर्नेको संख्या बजारका चौक चौक अत्याधिक छ । 
    वर्तमान सरकारले प्रादेशीक राजधानी तोक्दा अबैज्ञानीक र अन्यायपूर्ण निर्णय गरेको दङालीहरुको भनाई छ । बर्दियादेखि नवलपरारी,गुल्मीदेखी दाङ र दाङदेखि रुकुम सम्मका नागरिकका लागि पायक पर्ने जिल्ला दाङ हुदा हुदै अपायक पर्ने स्थानमा प्रदेश मुकाम तोकेको आरोप उनीहरुको  छ । काग्रेस नेतृत्वको सरकारले अन्याय गरेको बताईरहेका यहाका बासीन्दाहरुले प्रमुख प्रतिपक्षदल नेकपा एमाले र माओबादी केन्द्रको बाम गठबन्धन प्रति समेत आक्रोस पोखेका छन् । बर्दिया जिल्लामा समेत आन्दोलन सुरु भएको छ । दाङ प्रादेशीक मुकाम केन्द्र र पायक पर्ने भन्दै सडकमा उत्रिएको बर्दियाका राजनीतिक दलहरुले बताएका छन् । कपिलबस्तुले धार्मिक पर्यटकीय स्थल भएकाले प्रादेशीक राजधानीको मुकाम बुटवल बनाउन नहुने भन्दै सडक संघर्ष शुरु भएको  छ ।दाङमा आन्दोलनका क्रममा अहिले सम्म कुनैपनि अप्रिय घटना नघटेको स्थानीय प्रशासनले जनाएको छ ।
     

Comment

© २०१६ रेडियो तुलसीपुर द्वारा प्रकाशित/सर्वाधिकार सुरक्षित Powered By: i-Tech Nepal